مزحــــــــــــه الـــ ـغ ـــــــــــــالي..

ثقيله مزحت الغالي ولاادري وش دوافعها
تحملت وبعد ذلـك ندمـت انـي تحملتـه
انا لازلت متحيـر ولانـي قـادر ابلعهـا
أناقض نفسي بنفسي كأني غصب جاملتـه
هواجيسـي تغالطنـي انزلهـا وترفعهـا
نويت أكحل عيوني وعميت يـوم كحلتـه
أخاطب غيرعاقل كيف اناعاقل واطاوعهـا
طلبت انه تجاوبني وانا اجاوب على أسئلته
نقاشات وحواراتن عقيمه كيـف ارقعهـا
ولا أحدن شافها غيري وانا طبعآ تخيلتـه
تعاتبني على نيه واناباحساسـي أسمعهـا
تقول المبداء الثابت بتـال العمـر هملتـه
عرفتك شاعرن يفحص حروفه قبل يبدعها
تنادو لامتهـان الشعـر وانتـه ماتقبلتـه
نهاية حلم مزعج واكثر العربان يفزعهـا
وبداية عهدي الشخصي وميل الحال عدلته

تكفيني عقولـن تـدرك الواقـع ويقنعهـا
أخص بقولي العقـال والجاهـل تجاهلتـه
شريعتنـا الهيـه الـه الكـون شرعهـا
تحملـت الأمانـه يابـن آدم وحملـتـه
اطبقها على نفسي لـو ان الغيـر ظيعهـا
يشيل آثامه بنفسـه وأثامـي انـا شلتـه
ليا شاف الهميله قـال هاتوهـا نسنعهـا
وانا ماكل فطايـس والهمايـل ماتهملتـه
ولاأحسد غير عبدآ تذرف عيونه مدامعهـا
ذرفها خشية الخالق وانا المخلوق جللتـه
وأهني عبدن جنوبه تجافت عن مضاجعها
يسابق مانسى دينـه ولادنيـاه مشغلتـه‏